Ish kryeministri Sali Berisha ka reaguar në rrjetet sociale në lidhje me samitin e radhës të BE që përfundoi sërish pa asnjë zhvillim të ri për Shqipërinë përsa i përket ecjes përpara drejt unionit.

Sipas Berishës, shkak për moshapjen e negociatave është mandati i tretë i Edi Ramës, i siguruar me vota të vjedhura.

“I shfazuar nga ‘JO-ja’ e madhe e liderëve të BE-së për hapjen e negociatave me Shqipërinë dhe Maqedoninë e Veriut, Edi Rama u soll sot në Samitin, në të cilin tha se nuk do të shkonte, si një dhi e zgjebosur qe mban bishtin përpjetë!

Ai rrahu gjoksin, duke thënë si me krenari se: Mu desh të fitoja një mandat të tretë, që të vazhdoja të prisja për çeljen e bisedimeve dhe ishte shumë të thoja të vërtetën që arsyeja nuk është thjesht Bullgaria.

Në fakt, i them këtij hokatari, shkaku kryesor, siç pohon edhe vete ai, nuk është Bullgaria, por pikërisht mandati i tretë i rrëmbyer nga ai duke vjedhur votat e qytetarëve shqiptarë.

Ky është shkaku i të gjitha shkaqeve që pse BE nuk hap negociatat me Shqipërinë. Me Edi Ramën negociatat nuk hapen kurrë”, shkruan Berisha.